Accueil > Amakuru > Mu makungu > Irak: Umumenyeshamakuru wa France2 yitavye Imana ahitanywe n’igisasu
Irak: Umumenyeshamakuru wa France2 yitavye Imana ahitanywe n’igisasu
mardi 20 Ruheshi 2017
Imboneshakure France Television yamenyesheje urupfu rw’umumenyeshamakuru Stephan Villeneuve mu gatondo kare ko kuri uno wa kabiri igenekerezo rya 20 Ruheshi 2017.
Umumenyeshamakuru Stephan Villeneuve yahitanywe n’igisasu caturikiye i Mossoul mu gihe yariko yegeranya ibizomufasha gukora ikiganiro « Envoyé spécial » , ari kumwe n’abandi bamenyeshamakuru babiri Véronique Robert na Samuel Forey bobo bakomeretse.
Mw’itangazo ubuyobozi n’abakozi ba France Television basohoye bavuze bati : «Ubuyobozi n’abakozi ba France Television bafatanije umubabaro n’umukenyezi wiwe Sophie, abana babo bane, umuryango n’abamwegereye bose. Turabahojeje bivuye ku mutima.»
Uwundi yitavye Imana ni Bakhtiyar Haddad yereka abamenyeshamakuru aho baca, akaba kandi yakora igikorwa co gusigura ururimi akaba yari n’umugenzi w’abamenyeshamakuru benshi b’iradiyo y’abafaransa RFI.
MUGISHA Van Naris
