Incamake

Irani : Umukuru w’igihugu yagabishije Amerika ku ngaruka zo kuva mu masezerano ya Irani

Yanditswe na MUGISHA Van Naris
Kuya 7 mai 2018 saa 11:12
9015
0 0

Umukuru w’igihugu ca Irani, Hassan Rouhani, yagabishije igihugu ca Reta Zunze Ubumwe za Amerika ko niyaheba amasezerano ku bijanye n’inguvu za nucleaire izovyicuza.

Amakuru dukesha urubuga rw’iradiyo y’abongereza BBC, amenyesha ko, umukuru w’igihugu ca Irani yavuze ko, Reta Zunze Ubumwe za Amerika izokwicuza igituma yavuye muri ayo masezerano, ku buryo butari bwabeho muri kahise kayo.

Umukuru w’igihugu Donald Trump asigaje iminsi mike kugira amenyeshe, nimba azoheba ayo masezerano, kuko amaze no kuvugako nabi incuro nyinshi.

Umukuru w’igihugu ca Irani Hassan Rouhani yavuze ko, igihugu ca Irani gifise imigambi yo guhangana n’ico Reta Zunze Ubumwe za Amerika yokora, ariko ntiyavuze ico Irani kizokora.

Abandi bashize umukono kuri ayo masezerano, barimwo Ubufaransa n’Uburusiya, babandanya kuyashigikira.

Umushikiranganji w’Ubwongereza ajejwe imigenderanire, Boris Johnson, yagiye i Washington mu biganiro vyo kugerageza kwumvisha ubutegetsi bwa Donald Trump ko butova muri ayo ayo masezerano.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha