Ishirahamwe CATED rirahakana ko ata mukozi wo mu nzu yinjizwa muri ryo ku nguvu

Yanditswe na BIKORIMANA Vianney
Kuya 4 janvier 2018 saa 01:45
4860
0 0

Umukuru w’urunani rw’amashirahamwe y’abakozi bo mu nzu CATD, amenyesha ko ata bakozi bo mu nzu bariko barinjizwa mw’ishirahamwe ryabo ku nguvu. Richard MANIRAMBONA asigura ko hari igikorwa co gutanga amakarata ndangakazi y’abakozi bo mu nzu kuko hiboneeje abantu biyitirira abakozi bo mu nzu kandi ari abagizi ba nabi.

Richard MANIRAMBONA arongoye ishirahamwe CATD, abishikirije mu gihe haciye iminsi hari abakozi bo mu nzu bo muri zone ya Kanyosha bafatwa bakakwa karangamuntu zabo, bamenyeshwa ko bazisubizwa babanje gutanga amafaranga y’ikarata ndangabakozi wo mu nzu.

Uwo muyobozi w’ishirahamwe CATD avuga ko ivyo biriko birakorwa, inyuma yaho habaye inama ihuza abakozi n’abakoresha bose inyuma yo kubona ko hari abantu biyadukiza bakiyita abakozi bo mu nz,. kandi ari abagizi ba nabi.

Ati : “Ntidushaka abantu batwinyegezamwo biyitirira abakozi bo mu nzu kandi ari abagizi ba nabi,kuberiki hari abakozi badashaka kumenyekana ?”

Kuvyerekeye gusanga mu mihana abo bakozi bo mu nzu mu kubaha ayo makarata,uwo arongoye CATD amenyesha ko ivyo vyafunditswe kuva kera hagati y’abakozi n’abakoresha,kandi ko ata mukozi azota imirimo bakwiye kubasanga ku kivi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha