Ishirahamwe "ONLCT : Où est ton frère ?" rivuga ko urudandazwa rw’abantu rugeze ku rugero runini

Yanditswe na BUKURU Pacifique
Kuya 2 décembre 2017 saa 01:23
Yasomwe : 3150
0 0

Ishirahamwe "ONLCT : Où est ton frère ?" rimenyesha mu myaka itatu iheze, urudandazwa rwa kiremwa muntu rwashitse ku rugero runini, aho kuva mu mwaka wa 2015 gushika mu mwaka wa 2017,abantu bashika 3.014 batwawe nk’inyagano mu bihugu vy’abarabu nka Omani, Arabiya Saoudite, Koweit, Libani, nahandi.

Mw’itangazo Ishirahamwe "ONLCT : Où est ton frère ?" ryashikirije mu ntumbero yo guhimbaza umunsi mpuzamakungu wahariwe kurwanya ubunyagano « esclavages »,usanzwe uhimbazwa imisi yose kw’igenekerezo rya 2 Kigarama,rimenyesha ko abantu 1673 mu mwaka wa 2015, abantu 824 mu mwaka wa 2016 n’abantu barenga 517 mur’uyu mwaka wa 2017 mu kwezi kwa Munyonyo guheze,aribo bajanywe nk’inyagano.

Prime MBARUBUKEYE arongoye "ONLCT : Où est ton frère ?" amenyesha ko ababangamiwe ari abantu ba ntahonikora, abakenyezi ahanini hamwe n’abakobwa ndetse n’abana.

Prime MBARUBUKEYE avuga ko bajanwa mur’ivyo bihugu vy’abarabu bagakorerwa amabi menshi nko gushurashuzwa ku nguvu, ibikorwa biruhisha cane, abana nabo bakajanwa mu ntambara, abadandaza ibiyayuramutwe, urudandaza rw’ibihimba vy’umubiri, n’ibindi.

Uwo arongoye ishirahamwe "ONLCT : Où est ton frère ?" avuga ko , urwo rudandazwa rw’abantu rwinjiza amafaranga menshi ashika imiriyoni 32 z’amadorari y’abanyamerika ku mwaka.

Ishirahamwe "ONLCT : Où est ton frère ?" risaba Reta gufata mu mugongo urwaruka rw’abigeme kwijukira amashuri ya kaminuza ikabafasha mbere no kubaronderera amakaminuza akomeye yo hanze kugira bareke kurondera kuja kuzera inze mu bihugu bibagira abaja.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha