Ishirahamwe Rainbow rimenyesha ko ata banga riri mu masezerano bafise yo gucukura ubutare

Yanditswe na Vianney BIKORIMANA
Kuya 6 Gitugutu 2017 saa 01:29
Yasomwe : 10251
0 0

Ishirahamwe Rainbow Mining ryatsindiye isoko yo gucukura ubutare bwo muri komine ya Mutambu rimenyesha ko amasezerano ariha uruhusha rwo gucukura ubutare bwo muri komine ya Mutambu atari ikinyegezwa uwariwe wese ashobora kuyasoma kandi ko ata ngaruka ico gikorwa kizotera ku buzima bw’abantu hamwe n’ibidukikije biherereye aho hazocukurwa ubwo butare.

Mu kiganiro kubamenyeshamakuru kur’uno wa gatanu umuyobozi mukuru wa Rainbw Gilbert Midende amenyeshako ibisabwa vyose kugira bahabwe isoko ryo gucukura ubwo butare vyakwirikijwe kandi ko hakozwe n’ivyigwa kubijanye n’ingaruka ku bidukikije zohava ziyadukiza zitumwe n’iryo cukurwa ry’ubwo butare.

Gilbert Midende yavuze ati : “Ibisabwa vyose bijanye no gucukura ubwo butare vyarakwirikijwe kandi nta ngaruka bizotera haba ku magara y’abantu canke ibidukikije ,ihinguriro ryashize hafi y’ikiyaga Tanganyika mu Kabezi nta ngorane rizotera kuko amazi ahegereye atazonyobwa kandi ko ata mucafu uzotabwa mu kiyaga ”.

Uwo arongoye Rainbow Mining ashikiriza ko ibisigarira bizoba vyavuye mur’ico gikowa bizohinduka ivu rizokoreshwa mu gusubiramwo ibarabara ryaho i Mutambu.

Ku vyerekeye inyungu igihugu n’abanyagihugu bazokura mur’ico gikorwa ,Gilbert Midende avuga ko ico gikorwa kizotuma igihugu cinjiza amafaranga y’agaciro ari hagati y’imiriyoni 12 na 15 z’amadorare kuva mu mwaka uza wa 2018 kandi ko abantu bangana 400 baronkeye akazi ,amakomine nayo ariko arangurirwamwo ico gikorwa akazoronswa imw’imwe ibihumbi 15 vy’amadorare

Tubibutse ko ibikorwa vyo gucukura ubwo butare bizotangurira ku musozi wa Gasarwe muri komine ya Mutambu bikazomara imyaka ibiri imbere yuko bitandukira iyindi misozi y’iyo komine.


Kumenyekanisha

1
musore 9-10-2017 à 07:57

uuuuu muratanguye kutubesha ngo 12 million de dollars!!!! UBWO BUSA BUSA NONE NIBWO BUTUMA NKURUNZIZA YIRIGWA AVUGA NGO UBURUNDI BURATUNZE!!!!! hahahhaaa reka kuduhenda

2
Jaffar RUSHIGAJE 6-10-2017 à 20:23

yayayaya utwo duhera ni duke cane kuri terres rares zizocukugurwa.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha