Ishirahamwe ry’Ubumwe bwa Buraya risaba ko abagipfunzwe bafatiwe mu myiyerekano barekurwa

Yanditswe na MUGISHA Van Naris
Kuya 22 mars 2018 saa 02:20
11445
0 0

Abaserukira ibisata vy’ishirahamwe ry’Ubumwe bwa Buraya mu Burundi bahamagarira Reta y’Uburundi,kubandanya igikorwa co kurekura n’abanyororo bapfunzwe, bahagaritswe mu myiyerekano yabaye mu mwaka wa 2015.

Mw’itangazo abo baserukira ibisata vy’ishirahamwe ry’Ubumwe bwa Buraya mu Burundi, basohoye kur’uno wa kane igenekerezo rya 22 Ntwarante 2018,bamenyesha ko bakiriye neza irekurwa ry’abanyororo 740, harimwo 450 bapfunzwe kubera ivyabaye mu mwaka wa 2015.

Abaserukira ibisata vy’Ishirahamwe ry’Ubumwe bwa Buraya mu Burundi, bamenyesha ko ari nkenerwa ko ivyo guhagarika abantu hatisunzwe amategeko no gutera ubwoba bihagarara, abakoze ibibi bagakurikiranwa kugira hagaruke umwizero hagati y’abanyagihugu n’ubutungane.

Muri iryo tangazo, abo baserukira ibisata vy’ishirahamwe ry’Ubumwe bwa Buraya bavuga ko, ari muri iyo ntumbero ingingo ziboneka mu kwubahiriza agateka ka zina muntu, gukomeza Reta ishingiye ku mategeko, kwugurura urubuga rwa poritike, no gushiraho ibiganiro vyitabwe na bose vyofasha mu guteza imbere uko ibintu vyifashe mu Burundi no gusubizaho imigenderanire myiza hagati y’ishirahamwe ry’Ubumwe bwa Buraya n’Uburundi.


Kumenyekanisha

1
kanayoge fidel 22-03-2018 à 18:52

nibabarekure

2
eric 22-03-2018 à 15:52

yemwe mwageragezakuruta mugaharimwintumva muraboba d d mugasibose ni bamwebamwe . mugivyobariko bakorerabanyagihugu impera nimperuka bazovyishura . ikikibi barikobakorerabanyagihugu impera ni mperuka bazovyishura . harihabaribakomeye kubasumba mugububarihe .

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha