Ishirahamwe ry’Ubumwe bwa Buraya rihamagarira Reta y’Uburundi kwubahiriza amasezerano ya Arusha

Yanditswe na MUGISHA Van Naris
Kuya 8 mai 2018 saa 05:02
38415
0 0

Ishirahamwe ry’Ubumwe bwa Buraya, rimenyesha ko rirajwe ishinga n’ingene imyiteguro y’amatora yo kwemeza canke guhaka ibwirizwa nshingiro iriko iragenda. Rivuga ko ari amatora atitabwe na bose, kandi ko rishigikiye ivyashikirijwe n’Ishirahamwe ry’Ubumwe bwa Afrika ryasavye ko hoba ukwumvikana ku mpande zose.

Mw’itangazo ishirahamwe ry’Ubumwe bwa Buraya ryashize ahabona kur’uno wa kabiri igenekerezo rya 8 Rusama 2018, rimenyesha ko amatora y’ibwirizwa nshingiro aza asubiza inyuma ibiganiro bihuza abarundi bihagarikiwe n’akarere ka Afrika y’Ubuseruko, bishigikiwe kandi n’ishirahamwe ry’Ubumwe bwa Buraya.

Ishirahamwe ry’Ubumwe bwa Buraya, rimenyesha ko ridashimishwa n’ihagarikwa ry’iradiyo BBC n’Ijwi rya Amerika, kandi ko bishobora gutuma hataboneka amakuru akwiye ku matora y’ibwirizwa nshingiro.

Ishirahamwe ry’Ubumwe bwa Buraya rimenyesha kandi ko rikurikiranira hafi ibijanye n’agateka ka zina muntu mu Burundi, aho hari abaharanira agateka ka zina muntu babandanya guhagarikwa nka Germain RUKUKI.

Ishirahamwe ry’Ubumwe bwa Buraya rihamagarira abategetsi b’Uburundi kwubahiriza amasezerano ya Arusha, yafashije kugira ubutegetsi buhanahanwe mu mahoro, yafashije kandi kugira haboneke amahoro n’umutekano mu karere.


Kumenyekanisha

1
Mama 10-05-2018 à 22:35

@Nzovu, murambabarira sinzosubira kuvuga ivyaboba Congomani ariko....

2
nzovu 10-05-2018 à 10:35

@ Mama
Ntukavange ibatavangika, Impunzi z’abakongomani ni nde wazigushinze. Mujye mureba iby’ iwanyu ibyacu mu biturekere.

3
ricco 9-05-2018 à 17:06

ubumwe bwa buraya bwishwe n,akobonge kamahoro ariwacu ngenda muvuruge ahandi kirimwo abagabo

4
eric 9-05-2018 à 12:49

ubumwe bwa buraya nukugorana barazineza ingorane zu Burundi, sinumva ibindi irikwirasaba reta yu Burundi ubumwe bwa buraya vyabunaniyegutorerumuti ikibazo cuburundi nibareke gusubira kutugora twibeko, bareke kutwicishamajambo

5
BANZUBAZE 8-05-2018 à 20:34

UBUMWE BWABURAYA BURAGARUTSE KUVUGA KUBURUNDI ? IMMFASHANYO ZANYU TWARAHEVYE BAMUTUREKE BIRABIRE INGENE TUYATUNGANYA BIEN

6
Mama 8-05-2018 à 20:03

Ariko EU uwayirogereye ku Burundi ntiyakaravye ! Ubumuvyukuri ahogutabariza ziryampunzi zaba Congomani zirirwa ziracurwa bufuni nabuhoro zongera zicwa zipfubgwa, musimbiye kubibereye mumatora yibwirizwashingiro ryigihugu cabo ngo birababangamiye !? Yemwe nambahariho abasenga murwize igisabisho musengere EU ngiravyobafasha.

7
Amissi ndayishimiye 8-05-2018 à 18:29

Ishirahamwe gyaburaya babona ingene abantu bariko barafa bakaguma mumajambo kandi bafise ubushobozi bwoguhagarika ubwicanyi i burundi ayo matangazo bazoyareke nakare ntanakiwe bifasha umusi bazokenera gufasha bazovuge nayoubu nibareke.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha