Isirayeli : Reta yahagaritse umugambi wo kwirukana impunzi z’abanyafrika

Yanditswe na NDAYISHIMIYE Oscar
Kuya 3 avril 2018 saa 11:47
3255
0 0

Igihugu ca Isirayeli cahagaritse umugambi wo kwirukana impunzi z’abanyafrika Inyuma yaho ico Igihugu gipfunditse amasezerano n’ishirahamwe mpuzamakungu ONU ku bijanye na kazoza k’impunzi.

Amakuru dukesha urubuga ngurukanabumenyi rw’iradiyo y’abongereza BBC , amenyesha ko ibiro vy’umushikiranganji wa mbere w’igihugu ca Isirayeli, Benjamin Netanyahu, vyatangaje ko, ishirahamwe mpuzamakungu ryitaho impunzi HCR rizopfundika amasezerano n’ibihugu vya Burayakugira vyakire impunzi 16000, mu gihe ico gihugu naco cemeye guha ivyangombwa impunzi zizoba zisigaye.

Umushikiranganji wa mbere, Benjamin Netanyahu amenyesha ko ivyo bihugu bizoca vyakira izo mpunzi bigizwe na Canada, Ubutariyano hamwe n’Ubudagi, nubwo ivyo bihugu bitaremeza ku mugaragaro ibiri muri uwo mugambi.

Impunzi zishika 16000 nizo zizoca zizoronswa uburenganzira bw’ikiringo kidahera bwo kuba muri ico gihugu ca Isirayeli, inyuma yuko Sentare Ntahinyuzwa y’ico gihugu ihagarikiye ingingo yo kuzitahukana yategerezwa gutangura ku munsi w’Imana uza.

Vyari vyavuzwe ko, impunzi zishobora kujanwa mu bihugu vy’Ubuganda n’Urwanda, ariko, vyiyamirijwe n’abajejwe kwubahiriza agateka ka nina muntu muri Isirayeli, bituma haduka imyiyerekano.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha