Koreya ya Ruguru iriyamiriza ibihano yafatiwe na ONU

Amakuru dukesha iradiyo y’abongereza BBC amenyesha ko ikinyamakuru ca Reta KCNA kivuga ko mw’itangazo ry’umushikiranganji w’imigenderanire rivuga ko iyo ngingo ata ho itaniye no kunigira mu menshi ubutunzi.

Yavuze ko ukugira inguvu nyinshi kwa Koreya ya ruguru ari bwo buryo bwonyene bwo kwikingira agashavu ka Reta Zunze Ubumwe za Amerika.

Akanama k’Ishirahamwe Mpuzamakungu ONU kajejwe umutekano kafatiye ibihano bishasha igihugu ca Korea ya ruguru ku munsi wa gatanu igenekerezo rya 22 Kigarama 2017,mu kwishura kw’igerageza ry’ibisase ry’ico gihugu.

Iyo ngingo ya ONU yateguwe na Reta Zunze Ubuymwe za Amerika yemejwe n’ibihugu vyose bigize ako kanama uko ari 15.