Liberia : Georges Weah aza imbere mu biharuro mu matora y’umukuru w’igihugu

Yanditswe na Egide NDUWIMANA
Kuya 14 Gitugutu 2017 saa 10:37
20310
0 0

Uwahoze ari umukinyi rurangiranwa mu rukino rw’umupira w’amaguru, George Weah niwe ari imbere mu biharuro vy’imfatakibanza mu matora y’umukuru w’igihugu aherutse kuba muri Liberia.

Ibiharuro bitangwa n’umurwi ujejwe gutegura amatora vyerekana ko Georges Weah ari imbere mu ntara 11 kuri 15, ariko aho mukamenya ko amajwi yose ataraharurwa.

JPEG - 62.7 ko
Georges Weah

Mu kibanza ca kabiri vy’imfatakibanza, hakurikira UJoseph Boakai yahoze ari icegera c’umukuru w’igihugu.

Bizokwemezwa ko Georges Weah yatsinze ku mugaragaro mu gihe yoshikana amajwi agera ku bice 50 kw’ijana vy’abatoye, nk’uko amategeko y’igihugu ca Liberia abimenyesha. Mu gihe atawoyashikana mu bahiganwe, amatora azoca asubirwamwo mu kwezi kuza kwa Munyonyo.

Muri ayo matora yabaye mu gihugu ca Liberia, uwuzotsinda azoca asubirira umupfasoni Ellen Johnson Sirleaf yahora aramutswa ico gihugu, akaba ari nawe mupfasoni wa mbere yabaye umukuru w’igihugu ku mugabane wa Afrika.

Umukinyi rurangiranwa Georges Weah niwe ahabwa amahirwe menshi y’ugutsinda ayo matora, uwo akaba ariwe munyafrika wa mbere yaronse umupira w’inzahabu, aho akaba yari mu mwaka w’1995.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha