Man Hee Lee:’’Gutsimbataza amahoro n’igikorwa c’umuntu wese kw’isi’’

Umukuru w’ishirahamwe HWPL (Culture céleste, Paix mondiale et Restauration de la Lumière) amenyesha ko Man Hee Lee amenyesha ko gutsimbataza amahoro atari igikorwa c’umuntu umwe ,ariko ko ari igikorwa c’umuntu wese kw’isi.

Mu gihe kuwa kabiri igenekerezo rya 14 Ntwarante,umwaka wa 2017 ishirahamwe HWPL ryatunganije ihuriro mu ntumbero yo guhimbaza umwaka uheze ritanguye, Man Hee Lee yamenyesheje ko intumbero yo gushika ku mahoro iraba uwariwe wese ata numwe av uyemwo,harimwo n’amadini.

Man Hee Lee arongoye HWPL (Culture céleste, Paix mondiale et Restauration de la Lumière yamenyesheje ko igikorwa c’ishirahamwe arongoye ari ico guhagarika intambara , bigatuma amahoro atsimbatara kw’isi.yavuze kandi ko inyishu yotuma amahoro atsimbatara vy’ukuri ari uko bose boba intumwa zijana amahoro kw’isi.

Ku ruhande rwiwe, ashikiriza ibikorwa bizorangurwa na HWPL mu ntumbero yo gutsimbataza amahoro yavuze ko abakenyezi n’abana aribo bashirwa imbere mu ntambara, ariko ko ishirahamwe HWPL rigiye kubuza ko aribo boja imbere kuko babishatse mu ntumbero yo gushinga umushinge w’amahoro.

Ivyo birori vyabereye ku murwa mukuru wa Koreya y’Ubumanuko Seoul, vyitabwe n’abarongozi 700.