Mexique : Imyiyerekano y’ukwiyamiriza iyicwa ry’umumenyeshamakuru Javier Valdez

Yanditswe na
Kuya 17 Rusama 2017 saa 09:32
Yasomwe : 2664
0 0

Urupfu rw’umumenyeshamakuru Javier Valdez yishwe arashwe mu gihugu ca Mexique rwatumye haba imyiyerekano muri ico gihugu.

Inyuma y’aho umumenyeshamakuru Valdez yishwe, habaye imyiyerekano ikomeye mu gihugu cose yo kwiyamiriza urwo rupfu. Abamenyeshamakuru bo ku mugwa mukuru wa Mexique bashikirije urwandiko umushikirizamanza mukuru w’ico gihugu, bamusaba ko agateka k’abamenyeshamakuru hamwe n’umutekano wabo ko vyokubahirizwa.

JPEG - 81.9 ko
Umumenyeshamakuru Javier Valdes yishwe arashwe

Iryo yicwa rya Valdez ryiyamirijwe kandi n’ibimenyeshamakuru bikorera muri ico gihugu hamwe n’amashirahamwe aharanira agateka ka zina muntu.

Mexique ni igihugu kiza muri bitatu vya mbere kw’isi mu bitubahiriza umutekano w’abamenyeshamakuru. Muri uwu mwaka w’2017, abagera kuri batanu akaba aribo bamaze kwicwa.

Havier Valdez, mu mwuga wiwe wo kumenyesha amakuru yakoze cane mu gushira ahabona imigwi y’abadandaza ibiyayura mutwe muri co gihugu.


Kumenyekanisha

1
Elias Mpozamarira 20-05-2017 à 02:48

Turahojeje umuryango wuwo mumenyeshamakuru ya gandaguwe nabobabisha, tutibagiye nimiryango ya bamenyeshamakuru bose bokwisi bamaze kubura ababo bahorwa umwuga wukumenyesha amakuru.
Nkaboneraho nuguterintege, aba menyeshamakuru bose bokwisi kwihangana, Imana ibongere intege ninkomezi, mumwuga wabo, naho bitoroshe kurangura uwomwuga.
Nivyo twiboneye ngaha iwacu, ingene umumenyesha makuru ya totejwe nabataribake bagahitamwo guhunga, abandi barishwe bahorwa gushikiriza ibitagenda neza, canke gutangaza ibiriko birakorerwa abanyagihugu, mukomere kwibanga turinyuma yanyu.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha