Myanmar: Abarohingya 12 bapfuye batwawe n’uruzi

Yanditswe na MUGISHA Van Naris
Kuya 9 Gitugutu 2017 saa 02:35
Yasomwe : 4743
0 0

Abaislamu 12 bo mu bwoko bw’abarohingya bapfuye igihe ubwato bwari bubatwaye bariko barahunga igihugu ca Myanmar bajanwa hafi y’igihugu ca Bangladesh.

Amakuru dukesha iradiyo y’abongereza BBC amenyesha ko abantu benshi baburiwe irengero inyuma y’iyo mpanuka yabereye mu kiyaga ca Naf kuri uno w’Imana igenekerezo rya 8 Gitugutu 2017.

Ayo makuru amenyesha ko bimaze kumenyekana ko abantu 100 harimwo n’abana ari bo bari muri ubwo bwato, kandi ibikorwa vyo gutabara biracabandanya.

Abantu benshi bo mu bwoko bw’abarohingya baramaze gutwarwa bariko baragerageza guhungira mu gihugu ca Bangladesh bahunga intambara iriko irabica bigacika mu ntara ya Rakhaine.

Igitigiri nyakuri c’abantu bari muri ubwo bwato ntikizwi, ariko abakozi bo ku rubibe bo muri Bangladesh bavuga ko bari hagati ya 40 n’ijana.

Abo bakozi bakorera ku rubibe bavuga ko ibiziga 10 vy’abana, umupfasoni umwe n’umugabo arivyo bimaze kuboneka gushika ubu.

Mu kwezi kw’icenda guheze, abarohingya boba bashika 60 barapfiriye mu mpanuka nkiyo .


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha