Nijeriya : Reta igiye kwongereza indege zirondera abana banyurujwe

Yanditswe na MUGISHA Van Naris
Kuya 26 février 2018 saa 03:38
Yasomwe :
0 0

Igihugu ca Nigeria kivuga ko kigiye kwongereza igitigiri c’indege ziri mu gikorwa co kurondera abakobwa banyurujwe, inyuma y’igitero c’abarwanyi ba ki Islam kw’ishure mu ndwi iheze, mu ntara ya Yobe.

Amakuru dukesha iradiyo y’abongereza BBC, amenyesha ko, abakobwa barenga ijana aribo bashobora kuba baranyurujwe n’abarwanyi ba Boko Haram mu ntara ya Yobe, iri mu buraruko bushira ubuseruko.

Abajejwe intwaro mu gihugu ca Nijeriya bavuze ko abapolisi hamwe n’abakuru b’abajejwe umutekano barungitswe ku mashure kugira bakinge ibindi bitero vy’abarwanyi.

Iradiyo y’abongereza BBC, ivuga ko, Reta ya Nijeriya vyayitwaye indwi yose kugira yegeranye uburyo bukwiye bwo kurondera abo bana b’abakobwa.

Hari kandi n’amakuru avuga ko abasirikare bakuwe ku birindiro igihe gito imbere y’uko ico gitero kiba, ariko Reta irabihakana.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha