OLUCOME : "Hari amashirahamwe yiba abanyagihugu yinyegeje inyuma y’amategeko ya Reta"

Yanditswe na MUGISHA Van Naris
Kuya 19 Ruheshi 2017 saa 02:08
Yasomwe : 4923
0 0

Ishirahamwe ryishinze kurwanya abarya ibiturire n’abasesagura amatunga ya Reta OLUCOME risaba Reta gufasha kugira amashirahamwe amwe ntasahure ubutunzi bw’abanyagihugu yinyegeje inyuma y’amategeko amwe amwe ashingwa na Reta.

Nk’uko biri mw’itangazo ishirahamwe OLUCOME ryashize ahabona kuri uno wa mbere igenekerezo rya 19 Ruheshi 2017, OLUCOME rigaruka kw’igurishwa ry’imyambaro zifasha kwerekana umuntu ico akora, aho amashirahamwe amwe abikoresha mu gusahura umunyagihugu muto muto.

Ishirahamwe ryishinze kurwanya abarya igiturire n’abasesagura amatungo ya Reta risaba Reta guhagarika urudandazwa rw’iyo myambaro (Jilets) kuko hari abayikika inyuma kugira bahohotere abanyagihugu n’abadandaza bato bato.

Muri iryo tangazo, ishirahamwe OLUCOME risaba Reta kubandanya guhimiriza abanyagihugu ku bijanye no kuriha amatagisi, kandi igabanye amatagisi abadandaza batembereza ibidandazwa mw’ibarabara bariha mu makomine.

Mu kurangiza, ishirahamwe OLUCOME risaba umuhuza w’abarundi gufata ikibazo mu minwe, kuko abadandaza bato bato batabona aho bokwitura gushika ubu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha