OLUCOME isaba ishirwa mu ngiro ry’ingingo zikingira ubutunzi bw’igihugu

Yanditswe na MUGISHA Van Naris
Kuya 13 Mukakaro 2017 saa 09:48
Yasomwe : 2745
0 0

Umukuru w’ishirahamwe ryishize kurwanya abrya ibiturire n’abasesagura amtungo ya Reta OLUCOME asaba umukuru w’inama nkenguzamateka gushira mu ngiro ingingo zafashwe mu nama yamuhuje n’abajejwe intwaro mu gisagara ca Bujumbura,mu ntumbero yo kwigira hamwe ingene borwanya abiba ikigega c’igihugu babicishije mu gutoza amafaranga hadakurikijwe amategeko.

Muri iryo kete ry’Ishirahamwe OLUCOME,ryatewe umukono n’umukuru waryo Gabriel RUFYIRI,OLUCOME rirashima kuba mu nama yatunganije yaragarutse kuvyo iryo shirahamwe ryama risaba ko vyotunganywa mu bijanye no kwegeranya amafaranga y’igihugu.

Ishirahamwe OLUCOME rimenyesha ko isesagurwa ry’ubutunzi bw ‘igihugu rikorwa kandi mu bindi bice,harimwo igisata c’amatongo n’ibidukikije,aho hibonekeza ibibanza vyategerezwa gukorerwamwo uburimyi bitangwa kugira vyubakwemwo,mu gihe abarundi barenga 90 kw’ijana ari abarimyi.

Muri iryo kete,ishirahamwe OLUCOME rimenyesha ko hageze ko hafatwa ingingo zibuza kwubakwa mu bibanza vyagenewe uburimyi ,hagakosorwa kandi amakoza amaze gukorwa atawe bahengamiyeko.

JPEG - 77.4 ko
Gabriel RUFYIRI arngoye ishirahamwe OLUCOME

Ishirahamwe OLUCOME rigasaba ko inama nkenguzamateka yoshiraho umurwi w’abakenguzamateka wokurikirana ishirwa mu ngiro ry’ingingo zafashwe mu gutorera inyishu ico kibazo,rikiyemeza kandi kwama ryibutsa uko amezi atatu aheze.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha