OLUCOME risaba umufasha w’umuhuza gutumako igice ca gatanu c’ibiganiro

Yanditswe na MUGISHA Van Naris
Kuya 26 mars 2018 saa 11:23
5190
0 0

Ishirahamwe ryishinze kurwanya igiturire n’abasesagura amatungo ya Reta OLUCOME, risaba umufasha w’umuhuza mu biganiro bihuza abarundi, Benjamin Mkapa, gutumako mu maguru masha, igice ca gatanu c’ibiganiro bibera hanze.

Mw’ikete ishirahamwe OLUCOME ryandikiye umufasha w’umuhuza, iryo shirahamwe rimenyesha ko abarundi isinzi bugarijwe n’ubukene, bikunyuka bigeze ku bakozi ba Reta, aho umushahara barobka udashobora kubamaza ukwezi.

Ishirahamwe ryishinze kurwanya igiturire n’abasesagura matungo ya Reta OLUCOME, rimenyesha ko , ubukene, ingorane hamwe n’inzara abarundi barimwo bikeneye gutorerwa inyishu irama mu maguru masha.

Mu kurangiza, muri iryo kete, ishirahamwe OLUCOME, risaba abafise ico bofasha cose, gufasha kugira hashirwe umukono ku masezerano, avuye mu biganiro bihuza abarundi bihagarariwe n’akarere ka Afrika y’Ubuseruko.

Ishirahamwe OLUCOME ryandikiye umufasha mu biganiro bihuza abarundi, mu gihe kuwa kane igenekerezo rya 22 Ntwarante 2018, i Dar es-Salaam mu gihugu ca Tanzaniya, Michel KAFANDO, intumwa idasanzwe y’umunyamabanga mukuru w’ishirahamwe mpuzamakungu ONU , yakiriwe na Benjamin William Mkapa.

Macosha Moshe Tembele, umwunganirizi wa Benjamin William MKAPA yavuze ko muri uwo mubonano, Benjamin William MKAPA na Michel KAFANDO baganiriye ingene ibiganiro bihuza abarundi vyobandanya, inyuma y’aho abakuru b’ibihugu vya Afrika y’ubuseruko bafatiye ingingo ko ibiganiro bihuza abarundi kandi bibera hanze y’Uburundi bibandanya, birongowe na Yoweri Kaguta Museveni umukuru w’igihugu ca Uganda hamwe na Benjamin William MKAPA yahoze ari umukuru w’igihugu wa Tanzaniya.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha