OLUCOME yemeza ko ubutunzi bw’igihugu bubandanya gusubira inyuma

Yanditswe na Vianney BIKORIMANA
Kuya 7 Nyakanga 2017 saa 02:16
Yasomwe : 4905
0 0

Ishirahamwe ryishinje kugwanya igiturire no gusesagura amatungo ya Reta OLUCOME rimenyesha ko kwitaba ibiganiro vyo hanze atawe bikumira biri mu vyotuma ubutunzi bw’igihugu bwisununura.

Mw’itangazo ryateweko umukono n’umukuru w’ishirahamwe OLUCOME Gabriel RUFYIRI kuri uno wa kane igenekerezo rya 7 Nyakanga 2017, Reta y’Uburundi ibandanya kwaka amafaranga abanyagihugu biciye mu kurihishwa amatagisi hamwe n’ intererano mu gihe ubutunzi bw ‘igihugu bubandanya busubira inyuma ku rugero rwo hejuru.

Muri iryo tangazo ,ishirahamwe OLUCOME rimenyesha ko kubona hari abantu bafise ico boterera mu matati y’igihugu badashaka kwitaba ibiganiro bihuza bose vyobera hanze y’igihugu kandi ariyo nzira yotorera umuti ingorane, hakiyongerako n’itituka ry’agaciro k’amafaranga biri mu bituma abanyagihugu babandanya kuba mu bukene butagira izina.

Ishirahamwe OLUCOME risaba abanyeporitike b’Abarundi na cane cane Reta kuja mu biganiro bihuza bose hanze y’igihugu mu ntumbero yo gutorera indyane zose zihanze igihugu kugira iterambere rirama rishike mu banyagihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha