IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > Mu makungu > ONU : Antonio GUTERRES asaba Amerika kutava mu masezerano ya (...)

ONU : Antonio GUTERRES asaba Amerika kutava mu masezerano ya Iran

jeudi 3 mai 2018

Amakuru dukesha iradiyo BBC, amenyesha ko umunyamabanga mukuru wa ONU,Antonio GUTERRES, yavuze ko nimba ayo maserenano yashizweko umukono mu mwaka wa 2015 atokurikizwa mu gihe hoboneka iyindi nzira yokoreshwa kugira umuti w’ico kibazo c’ibirwanisho ruhonyanganda mu gihugu ca Iran utowe.

Umukuru w’igihugu wa Reta Zunze Ubumwe za Amerika, Donald TRUMP, aheruka gushikiriza ko ayo masezerano arimwo amahinyu, akaba ategekanya gushikiriza ingingo yiwe ya nyuma yaho ahagaze mu minsi iri imbere.

Ibiri mur’ayo masezerano bijanye no guhagarika burundu ikorwa ry’ivyo birwanisho muri Iran,gukura ibihano mpuzamakangu Iran yafatiwe hamwe no gushobora kugenzura ivyo bikorwa.

Amasezerano ajanye no gukora ibirwanisho ruhonyanganda mu gihugu ca Iran yateweko umukono kw’igenekerezo rya 14 Mukakaro 2015 i Vienne mu gihugu ca Autriche, hagati y’ico gihugu n’ibihugu 6 rutura kw’isi arivyo Ubwongereza,Ubufaransa,Ubushinwa,Uburusiya,Amerika hamwe nigihugu c’Ubudagi.


BIKORIMANA Vianney

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.