PARCEM yashize ahabona ibitarakorwa mu gikorwa co guterera y’amatora

Yanditswe na BIKORIMANA Vianney
Kuya 20 février 2018 saa 03:00
7980
0 0

Ishirahamwe ryishinze gukangurira abarundi guhindura ingendo n’ivyiyumviro PARCEM rimenyesha ko, kuva igikorwa co guterera amatora ya 2020 gitanguye,hari ivyasabwe bitarashirwa mu ngiro kugira ico gikorwa kigende neza.

Mu kiganiro yahaye abamenyeshamakuru kur’uno wa kabiri igenekerezo rya 20 Ruhuhuma 2018, Faustin NDIKUMANA , arongoye ishirahamwe PARCEM
yamenyesheje ko bimwe mu bitarakorwa ari nk’ibijanye no kumeyesha agaciro ayo matora azotwara,kumenya amafaranga Reta izotanga muri ico gikorwa hamwe n’uko urwego rutunganya neza ibijanye n’ayo mafaranga agenewe amatora gushika ubu rutazwi.

Umukuru w’ishirahamwe PARCEM avuga kandi ko n’itegeko rigenga ikonte ayo mafaranga ajako ritazwi hamwe n’umuntu ajejwe kuyakwirikirana ataramenyekana.

Faustin NDIKUMANA avuga ko vyari kuba vyiza bigenzwe n’itegeko, kuko ariryo ryosigura vyose uko vyogenze.

JPEG - 41.1 ko
Faustin NDIKUMANA, Umukuru w’ishirahamwe PARCEM

Faustin NDIKUMANA yavuze ati : “Warinze uvyandika ukabishira mw’itegeko wobikora hanyuma abantu bagaheza bakagira ico bashikirije, ingorane zaba na bariya zikumvikana,baze barakosora ivyo vyose kugira ico gikorwa kigende neza gusumba.

Naho hari ibiri mw’itegeko nshikiranganji riraba ibijanye n’intererano y’amatora, Faustin NDUKUMANA avuga ko kwisunga ivyanditse mu gihugu bigoye kuja mu ngiro.

Ishirahamwe PARCEM ritera akamo ababijejwe bose, gukora amategeko hamwe n’ivyanditse vyubahirizwe, kugira bishobore kuzana icuka ciza mu gihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha