Pakistan : Abantu 153 baguye mu mpanuka y’imodoka itwara igitoro

Yanditswe na Egide NDUWIMANA
Kuya 26 juin 2017 saa 10:07
Yasomwe : 3861
0 0

Abantu bagera ku 153 bagizwe ahanini n’abana, bo mu buseruko bwa Pakistan nibo bahitanywe n’impanuka y’imodoka itwara ibitoro. Iyo modoka yariko itwara amaritiro arenga ibihumbi 25 vya Peterori yaturitse igihe abo bantu bariko bagerageza kuvoma igitoro camenetse. Muri iryo sanganya, abandi bantu barenga 140 barakomeretse bikomeye.

Iyo mpanuka yabereye mu gisagara ca Bahawalpur, mu ntara ya Punjab iri mu buseruko bwa Pakistan mu gatondo ko kuri uwu w’Imana.

Ibitaro vya "Nishtar n’ibya Bahawal Victoria" vyakiriye abaremvye kurusha abandi bagera ku bice 70 kw’ijana vy’abakomeretse bose hamwe.

Umushikiranganji wa mbere wa Pakistan, Muhammad Nawaz Sharif, yahojeje ababuriye ababo muri iyo mpanuka, avuga ko Reta y’ico gihugu iriko irafasha mu kuvuza abakomeretse.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha