Paul KAGAME yabajijwe ikibazo c’Uburundi muri "RWANDA DAY"

Yanditswe na Egide NDUWIMANA
Kuya 12 Ruheshi 2017 saa 11:00
Yasomwe : 61974
0 0

Umwe mu Barundi bahungiye mu Buhorande yashimiye umukuru w’igihugu Paul KAGAME ko yashoboye kwakira impunzi z’Abarundi mu gihugu arongoye, mbere agafasha abakiri bato kubandanya amashure. Uwo murundi yamwemereye ko azomugabira inyana y’inka, umukuru w’igihugu Paul KAGAME nawe ati :"NKUYE UBWATSI."

Adrien RUGAMBARARA, ni umwe mu bantu bari bitavye ihuriro ry’Abanyarwanda baba mu mahanga, ryabereye mu gisagara ca Ghent mu gihugu c’Ububirigi. Yambaye imbere ry’igihugu c’Uburundi mu bitugu, yasavye ijambo nawe kugira aganirire umukuru w’igihugu Paul KAGAME hamwe n’abandi bantu isinzi bari mu nyubakwa ya Flanders Expo. Agifata ijambo, umukuru w’igihugu yamusavye ati : "Ariko ntudutware muri poritike z’Uburundi".

JPEG - 92.1 ko
Adrien RUGAMBARARA

Adrien RUGAMBARARA asanzwe aba mu gihugu c’Ubuhorande, ariko akaba nawe yari yishikiye mu Bubirigi ahabereye ihuriro "RWANDA DAY", yavuze ko ashimira umukuru w’igihugu KAGAME ko yakiriye impunzi z’Abarundi mu Rwanda, kandi ko yafashije abakiri bato bakaja mu mashure. Yamusavye ko yofasha n’abandi, amushimira kandi ku bwitonzi yerekanye ko bamubwiye ko "bazomumesa." Rugambarara yamereye inka umukuru w’igihugu Paul KAGAME.

"Mu mico y’iwacu, turatanga inka, mugabo ubu ko nkiri impunzi, mu gihe mu Burundi iwacu hazoboneka amahoro, nzobatwara i Burundi ndabahe inyana."

Umukuru w’igihugu yamwishuye ko akuye ubwatsi, ariko akaba atashoboye kwimwishura ku kibazo yamubajije c’igituma ishirahamwe rya Afrika y’ubuseruko rigera ku kibazo c’Uburundi, ryakora kuri ico kibazo rigasha, kandi ayandi mashirahamwe nk’ubumwe bwa Buraya yarafatiye ibihano Uburundi.

Umukuru w’igihugu Paul KAGAME yishuye ati : "Nari navuze ko ntari buje muri poritike z’i Burundi."


Kumenyekanisha

1
Juvenal Tuyishemeze 14-06-2017 à 20:48

byama Bihambaye Ko Umuntu Ashima Ku Byo Yakorewe
Uwo Mwene Gihugu Akomoka Mu Burundi Arakoze Gushima Kandi N’uwushimiwe Yarakoze Gukora Ibituma Bamushimira.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha