Reta isabwa gutegekanya ibikenewe kugira umuvyeyi wa NDADAYE Melchior ashinguranwe iteka

Yanditswe na MUGISHA Van Naris
Kuya 28 janvier 2018 saa 03:03
31620
0 0

Inyuma y’urupfu rw’umuvyeyi yari asigaye w’Incungu ya Demokrasi mu Burundi,umukuru w’igihugu c’Uburundi Petero NKURUNZIZA asaba Reta gutegekanya ibikenewe vyose kugira uwo muvyeyi ashinguranwe iteka.

Abicishije ku muvugizi wiwe Jean Claude KARERWA NDENZAKO, mw’itangazo yashikirije kur’uyu w’Imana igenekerezo rya 28 Nzero 2018, umukuru w’igihugu amenyesha ko yakiranye umubabaro mwinshi urupfu rwa Tereza BANDUSHUBWENGE,umuvyeyi w’incungu ya Demokrasi.

Umukuru w’igihugu amenyesha ko Tereza BANDUSHUBWENGE yaranzwe n’umutima w’urukundo, impuhwe, ikigongwe hamwe no kuremesha abandi, ivyo akaba yabigaragaje, inyuma y’igandagurwa ry’umwana wiwe akaba n’umukuru w’igihugu Melchior NDADAYE.

Muri iryo tangazo, umukuru w’igihugu yahojeje abasigwa buwo muhisi, incuti n’abagenzi babo, abakunzi ba demokrasi n’abarundi bose yabereye imboneka, akarorero n’urumuri rutazimiza.

JPEG - 59.8 ko
Jean Claude KARERWA NDENZAKO,Umuvugizi w’umukuru w’igihugu

Umukuru w’igihugu Petero NKURUNZIZA amenyesha ko, nk’uko yavyiyemeje kuva mu mwaka wa 2005, azokwama hafi y’abasigwa b’incungu ya Demokrasi Melchior NDADAYE, akabashigikira adahengeshanya.

Tereza BANDUSHUBWENGE umuvyeyi w’incungu ya demokrasi akaba n’umukuru w’igihugu wa mbere yatowe n’abanyagihugu,yitavye Imana kur’uyu wa gatandatu igenekerezo rya 27 Nzero 2018, ahitanywe n’indwara ya asima.


Kumenyekanisha

1
Ndizeyimana Blessing Joy 31-01-2018 à 21:05

None Izompunzi Zomurikongo Kozimwe Zirimwo Zirahunga Izindi Zipfuza Gusubira Iwabo None Izozirimwo Ziripfuza Gusubira Iwabo Icozahunze Caraheze Izoziza Zozo Zihungiki ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha