Rwanda: Abanyagihugu bazindukiye mu matora y’umukuru w’igihugu

Yanditswe na MUGISHA Van Naris
Kuya 4 Myandagaro 2017 saa 08:04
Yasomwe : 9432
0 0

Kuva mu gatondo ko kuri uno wa gatanu igenekerezo rya 4 Myandagaro 2017, abanyarwanda bakwije imyaka yo gutora bazindukiye mu matora mu bice bitandukanye vy’igihugu. Batora umukuru w’igihugu azorongora igihugu mu myaka indwi iri imbere.

Amakuru dukesha umumenyeshamakuru w’ikinyamakuru IGIHE mu gihugu c’Urwanda, amenyesha ko mu bibanza bimwe bimwe biberamwo itora, abantu bari bahashitse nk’igihe c’isaha icumi z’ubuca.

Ibiro vy’amatora vyari vyuguruye kuva igihe c’isaha imwe y’igitondo,ayo masha nyene abantu bari batonze mu bibanza, kandi kuri iyo saha amatora yari atanguye mu gihugu cose.

Mu bategetsi bazindutse nkuko amakuru dukesha ikinyamakuru IGIHE gikorera mu gihugu c’Urwanda abimenyesha, ni umukuru w’inama nkenguzamateka Makuza Bernard, uwo akaba yamaze guheza gutora.

Abitoza mu kibanza c’umukuru w’igihugu c’Urwanda ni Paul Kagame ku ruhande rw’umugambwe FPR Inkotanyi, Dr Frank Habineza w’umugambwe Green Party hamwe na Phillippe Mpayimana yitoza nk’uwigenga.

Amatora ku baba mu bindi bihugu yabaye kuri uno wa kane igenekerez rya 3 Myandagaro 2017, batoreye mu bibanza 93 biri mu bibanza bitandukanye kw’isi.

Ibibanza biberamwo amatora mu gihugu cose c’Urwanda ni 2343.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha