Rwanda : Abayoboke indwi ba Victoire INGABIRE batawe muri yompi

Itangazo ryasohowe n’igiporisi c’Urwanda ryemeza ko abo bantu batawe muri yompi barimwo umugore umwe, baka bagirizwa ibikorwa vy’ukurondera urwaruka rwinjizwa mu mirwi yitwaje ibirwanisho.

Nk’uko bivugwa na BBC, bane muri abo bafashwe kuri uwu wa gatatu, inyuma y’isakwa ryabaye mu gisagara ca Kigali, mu ngo z’abayoboke b’uwo mugambwe FDU Inkingi wa Victoire INGABIRE.

Abandi batatu bafashwe mu ntango z’iyi ndwi, mu ntara y’uburengero, bakaba bafashwe bari mu nzira yabajana mu gihugu igiporisi kitarashikiriza.

Mu giporisi c’Urwanda bavuga ko ifatwa ry’abo batatu ariryo ryatumye bagenzi babo bane nabo batabwa muri yompi.