Rwanda : Ibiharuro vyerekana ko Paul KAGAME aza imbere mu majwi

Yanditswe na MUGISHA Van Naris
Kuya 5 août 2017 saa 09:22
Yasomwe : 9945
0 0

Ibiharuro nfatakibanza vy’ivyavuye mu matora y’umukuru w’igihugu c’Urwanda yabaye kuri uno wa gatanu igenekerezo rya 4 Myandagaro 2017, vyerekana ko uwahora arongoye igihugu Paul KAGAME aza imbere mu majwi imbere y’abandi babiri bahiganwa.

Abanyarwanda 5 498 414 nibo bitavye amatora y’umukuru w’igihugu ,ivyo biharuro bikerekana ko amatora yitabwe n’abanyarwanda ku bice bishika 80 kw’ijana vy’abari bategekanijwe gutora.

Ibiharuro vyerekana ko Paul KAGAME ariwe ari imbere y’abo bahiganwa, aho ku majwi y’abanyarwanda batoye amaze guharurwa,afise amajwi 98,66 kw’ijana .

Mw’ijambo yashikrije Paul KAGAME yashimiye abo bahiganwe mu matora ,ababwira ko bagerageje.

Abandi bariko bahiganwa na Pau l KAGAME ni Philippe MPAYIMANA yitoze nk’uwigenga yaronse amajwi 0,72 kw’ijana hamwe na HABINEZA Frank yitoje ku ruhande rw ‘umugambwe Green Party yaronse amajwi 0,45 kw’ijana.

Umukuru w’umurwi ujejwe gutegura amatora Kalisa MBANDA yavuze ko ibiharuro vya nyuma bizomenyekana ejo kuw’Imana, ariko ko biboneka neza ko Paul KAGAME yahora arongoye igihugu ariwe azotsinda amatora.


Kumenyekanisha

1
JNH 7-08-2017 à 11:58

bakorere Kodimujehe Abanyaru Yigibitwara Nabo

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha