SOS-Torture: 10 barakomeretse, 8 basinzikarizwa agateka mu kiringo c’indwi

Yanditswe na MUGISHA Van Naris
Kuya 7 Myandagaro 2017 saa 08:02
Yasomwe : 1116
0 0

Isekeza SOS-Torture Burundi rimenyesha ko abantu 8 basinzikarijwe agateka, abarenga 10 nabo barakomereka inyuma y’uruhagarara rwaduze mw’ibohero rikuru ryo mu Rumonge, mu kiringo co kuva kw’igenekerezo rya 29 Mukakaro gushika kurya 5 Myandagaro 2017.

Muri cegeranyo isekeza SOS-Torture ryama risohora ku ndwi, SOS-Torture rimenyesha rigaruka ku mishamirano yabaye hagati y’abapfungwa n’abajejwe umutekano mw’ibohero rikuru rya Rumonge.
Nkuko biri muri ico cegeranyo, n’imiburiburi abantu 10 barakomeretse bakomerekejwe n’amasase yarashwe n’abaporisi, muri abo hakaba harimwo colonel Adrien KADENDE yakomeretse cane.
Isekeza SOS-Torture rimenyesha kandi ko agateka kahonyanzwe ku bantu umunani muri ico kiringo, muri abo bamwe bahagaritswe hadakurikijwe amategeko, abandi barahohoterwa.
Muri ico cegeranyo kandi isekeza SOS-Torture riragaruka kw’ihagarikwa rya Germain RUKUKI umunywanyi w’ishirahamwe ACAT Burundi, apfunzwe kuva kw’igenekerezo rya 13 Mukakaro 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha