Incamake

SOS Torture : 4 barishwe, 36 barahagarikwa mu kiringo c’indwi imwe

Yanditswe na MUGISHA Van Naris
Kuya 16 avril 2018 saa 10:16
2595
0 0

Isekeza SOS-Torture rimenyesha ko abantu bane bishwe, abababa 36 nabo barahagarikwa mu kiringo co kuva kw’igenekerezi rya 7 gushika kurya 14 Ndamukiza 2018.

Icegeranyo c’isekeza SOS-Torture kimenyesha ko muri abo bapfuye, harimwo umusirikare w’igihugu yiyhuye mu ntara ya Bubanza, ahejeje gufata ku nguvu umwana w’umwigeme.

Muri ico cegeranyo, isekeza SOS-Torture rimenyesha ko umukozi w’ishirahamwe rihingura isima BUCECO yaburiwe irengero, inyuma yaho imodoka yarimwo itowe mu muvo uri hagati y’amabarabara abiri, kw’ibarabara ryitiriwe uwa 28 Munyonyo, mu gisagara ca Bujumbura.

Isekeza SOS-Torture rimenyeshako mu bahagaritswe muri ico kiringo, harimwo abayoboke b’umwigeme Zebiya, mu ntara ya Bubanza, hamwe n’abayoboke b’umugambwe FNL utavuga rumwe na Reta,mu ntara ya Rumonge na Makamba.

Isekeza SOS-Torture riragaruka kandi kw’ihagarikwa rya Gilbert NYAWAKIRA , arongoye urunani rw’amasendika nabo bari kumwe, mu Carama, zone Kinama, komine Ntahangwa, mu gisagara ca Bujumbura, naho bahavuye barekurwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha