SOS-Torture :5 barishwe ,6 bahagarikwa hadakurikijwe amategeko mu kiringo c’indwi

Yanditswe na MUGISHA Van Naris
Kuya 31 Mukakaro 2017 saa 08:39
Yasomwe : 1350
0 0

Isekeza SOS-Torture Burundi rimenyesha ko abantu 5 aribo bishwe mu bice bitandukanye vy’igihugu , 6 bahagarikwa hadakurikijwe amategeko, 2 nabo barakomeretswa mu kiringo co kuva kw’igenekerezo rya 22 gushika kurya 29 Mukakaro 2017.

Mu cegeranyo c’isekeza SOS-Torture cama gisohoka ku ndwi ku ndwi, isekeza SOS-Torture Burundi rimenyesha ko mu bahagaritswe harimwo abanywanyi batatu b’imigambwe itavugarumwe na Reta, hamwe n’abandi batatu basubiye guhagarikwa kandi bari barararekuwe n’ubutungane.

Muri ico cegeranyo, isekeza SOS-Torture Burundi riragaruka kandi ku gitigiri c’abanyororo kibandanya kwiyongera mu mabohero aho mu ntango z’ukwezi kwa Mukakaro 2017, igitigiri c’abanyororo gishika 9734.

Isekeza SOS-Torture rimenyesha ko ryisunze ibitigiri vy’abapfungiwe mu mabohero atandukanye ivyo bitigiri biteye amakenga, kuko naho umukuru w’igihugu yari yatanze ikigongwe,abantu 500 binjijwe mu mabohero mu kiringo c’ukwezi kumwe n’igice.

Muri ico cegeranyo isekeza SOS-Torture riragaruka kandi ku rupfu rw’umusirikare Etienne NZOSABA w’ipete rya Caporal-Chef aho ata tohoza na rimwe ryakozwe kuri urwo rupfu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha