SOS-Torture: 8 barishwe, abarenga 10 bahagarikwa hadakurikijwe amategeko mu kiringo c’indwi

Yanditswe na MUGISHA Van Naris
Kuya 4 Nyakanga 2017 saa 10:01
Yasomwe : 1224
0 0

Abantu 8 nibo bamenyekanye ko bishwe, abandi barenga icumi bahagarikwa hadakurikijwe amategako, mu kiringo co kuva kw’igenekerezo rya 26 Myandagaro gushika kurya kabiri Nyakanga mu bice bitandukanye vy’igihugu.

Nkuko biri mu cegeranyo c’isekeza SOS-Torture cama gisohoka uko indwi iheze,hari urwaruka rwarahagaritswe ruvuye mu gihugu c’Ubuganda, bagirizwa ko bari babayeyo igihe kinini kandi bashobora kuba bari mu myimenyerezo y’imirwi irwana.

Reverien NDAYISENGA ajejwe ibikorwa mw’isekeza SOS-Torture, avuga ko bafise amakenga kuri urwo rwaruka rwahagaritswe ko rushobora kuzimangana, kuko gushika ubu ata nkuru n’imwe ivuga aho bari bafise.

Isekeza SOS-Torture rigaruka kandi ku bakenyezi n’abakobwa bashika 20 bahohotewe, iryo sekeza rikagiriza bamwe mu rwaruka rw’umugambwe CNDD-FDD na bamwe mu bajejwe umutekano kuba aribo bakora ivyo vyaha.

Isekeza SOS-Torture rigasaba ko abagirizwa ivyaha vyo guhohotera agateka ka zina muntu bohagarikwa, bagashikirizwa ubutungane.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha