SOS-Torture : Abantu 11 barishwe, 3 barahagarikwa mu kiringo c’indwi

Yanditswe na
Kuya 9 avril 2018 saa 10:25
Yasomwe :
0 0

Isekeza SOS-Torture rimenyesha ko abantu 11 bishwe, batatu barahagarikwa mu kiringo co kuva kw’igenekerezo rya 31 Ntwarante 2018, gushika kw’igenekerezo rya 7 Ndamukiza 2018.

Nkuko biri mu cegeranyo c’isekeza SOS-Torture gisohoka uko indwi iheze, muri abo 11 bitavye Imana, harimwo babiri bapfuye mu gitero ca gerenade mu ntara ya Gitega, hamwe n’abana batatu boba bishwe na se wabo, mu ntara ya Kirundo, imbere y’uko nawe yiyahura.

Isekeza SOS-Torture riragaruka kandi, ku rubanza rwa Germain RUKUKI yigeze kuba akorera ishirahamwe ACAT ryahagaritswe na Reta, akaba yasabiwe gupfungwa ubuzima bwose.

Muri ico cegeranyo, isekeza SOS-Torture rigaruka kandi ku mukobwa yafashwe ku nguvu n’abigisha babiri bo ku mutumba Nyakuguma, komine Gitanga, intara ya Rutana, kw’igenekerezo rya 2 Ndamukiza 2018.

Isekeza SOS-Torture riragaruka kandi kw’itegeko rya buramatari w’intara ya Bururi, ribuza urwaruka rw’umugambwe CNDD-FDD kugira ikarashoshi rwitwaje inkoni, aho amenyesha ko bari mw’ikarashishi ata ruhigi baba bariko barakora.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha