SOS-Torture: Abantu 5 barishwe, 128 barahagarikwa mu kiringo c’indwi

Yanditswe na MUGISHA Van Naris
Kuya 22 January 2018 saa 08:39
3825
0 0

Isekeza SOS-Torture rimenyesha ko abantu 5 bishwe, abashika 128 barahagarikwa hadakurikijwe amategeko, mu kiringo co kuva kw’igenekerezo rya 13 gushika kurya 20 Nzero 2018.

Nkuko biri mu cegeranyo c’isekeza SOS-Torture, muri abo batanu bishwe, harimwo umukenyezi n’umwana wiwe, bsbs mu ntara ya Kirundo, bapfuye batewe gerenade, hakabamwo kandi umunyororo yapfiriye mu ntara ya Muyinga.

Isekeza SOS-Torture riragaruka kandi kw’ihagarikwa ry’abayoboke b’umuhari katorika Marial muri quartier ya Gasanda, mu ntara ya Ruyigi, aho abashika 90 bahagaritswe mu gihe bariko basenga mu masaha y’ijoro.

Muri ico cegeranyo , isekeza SOS-Torture riragaruka kandi ku bana babiri bo k’umutumba Nyamabere mu ntara ya Bubanza, aho uwitwa Elias NYANDWI yahamvye abana babiri babona, isekeza SOS-Torture rimenytesha ko uwagirizwa atarahagarikwa.

Isekeza SOS-Torture rigaruka kandi lkw’ihagarikwa ry’abanyagihugu ba Tanzaniya mu ntara ya Rumonge, bagirizwa kugira umugirwa wo kubandwa, SOS-Torture rimenyesha ko batari gufatwa kandi bagapfungwa kuko umwe wese afise ubwigenge mu kwemera.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha