SOS-Torture : Abantu 6 barishwe, 7 basinzikarizwa ubuzima mu kiringo c’indwi

Yanditswe na MUGISHA Van Naris
Kuya 27 novembre 2017 saa 08:58
Yasomwe :
0 0

Isekeza SOS-Torture rimenyesha ko abantu 6 bishwe,indwi basinzikarizwa ubuzima, 15 nabo bahagarikwa hadakurikijwe amategeko, mu kiringo co kuva kw’igenekerezo rya 18 gushika kurya 25 Munyonyo 2017.

Nkuko biri mu cegeranyo c’isekeza SOS-Torture abo bishwe bamwe batowe ibiziga mu ruzi Rusizi muri komine Buganda, intara ya Cibitoki, batatu muri abo bakaba batashoboye kumenyekana.

Isekeza SOS-Torture riragaruka kandi ku bana babiri umwe w’imyaka itanu, uwundi w’imyaka icenda baciwe ibikonjo, muri komine Itaba , intara ya Gitaga, bagirizwa kuba bivye ibigori mu murima.

Muri ico cegeranyo isekeza SOS -Torture rigaruka kandi kw’ihagarikwa ry’abanywanyi batandatu b’umugambwe FNL urongowe na Agathon RWASA mu ntara ya Karusi, inyuma yo gushamirana n’urwaruka rw’umugambwe CNDD-FDD.

Isekeza SOS-Torture riragaruka kandi kw’ihagarikwa rya Nestor NIBITANGA yahoze arongoye ishirahamwe APRODH mu ntara ya Gitega, aho yahagaritswe n’abajejwe umutekano, yagirizwa guhungabanya umutekano w’igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha