SOS-Torture : Abantu 7 barishwe, abarenga 30 barahagarikwa mu kiringo c’indwi

Yanditswe na MUGISHA Van Naris
Kuya 4 décembre 2017 saa 09:12
Yasomwe : 1611
0 0

Isekeza SOS-Torture rimenyesha ko abantu 7 bishwe, umwe arasinzikarizwa ubuzima, abashika 30 nabo barahagarikwa mu ntara ya Rumonge, bagirizwa kugerageza kuja mu gihugu ca Republika Iharanira Intwaro Rusangi ya Kongo, mu kiringo co kuva kw’igenekerezo rya 25 gushika kurya 2 Kigarama 2017.

Nkuko biri mu cegereanyo c’isekeza SOS-Torture, muri abo bishwe, harimwo Serges BARUTWANAYO,indongozi mu mugambwe UPRONA urongowe na Charles NDITIJE, akaba ayahoze kandi ari musitanteri wa komine Kirundo.

Muri ico cegeranyo, isekeza SOS-Torture riragaruka kandi k’urupfu rw’umukenyezi Valerie Ndikuriyo yiciwe ku mutumba, zone Muyama, Komine Buyengero,intara ya Rumonge n’umugabo wiwe, uwo mugabo akaba yaciriwe gupfungwa ubuzima bwiwe bwose mu rubanza rw’ikibiriraho.

Isekeza SOS-Torture riragaruka kandi ku rubanza rw’abasirikare n’abanyagihugu bagirizwa kugira igitero kw’ikambi y’abasirikare ya Mukoni, mu ntara ya Muyinga, aho abagirizwa baciriwe gupfungwa imyaka iri hagati ya 25 na 30, ariko SOS-Torture ikamenyesha ko sentare itisunze ihohoterwa ababuranyi bagiriwe mu gihe c’[amatohoza.

Isekeza SOS-Torture rikibutsa ko abahohotewe ari Caporal-chef Fulgence Ndayikengurutse na Caporal-chef Eric Ndagijimana, hamwe na Adjudant François Nkurunziza yahavuye yicwa amaze guhagarikwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha