SOS-Torture : Abantu 8 barishwe, 5 bakomerekera mu bitero vya Gerenade mu kiringo c’indwi

Yanditswe na MUGISHA Van Naris
Kuya 18 décembre 2017 saa 09:35
2745
0 0

Isekeza SOS-Torture rimenyesha ko n’imiburiburi abantu 8 bishwe, batanu bakomerekera mu bitero vya gerenade, abandi barahohoterwa mu kiringo co kuva kw’igenekerezo rya 9 gushika kurya 16 Kigarama 2017.

Nkuko biri mu cegeranyo c’isekeza SOS-Torture gisohoka ku ndwi, mu bantu umunani bishwe, harimwo ibiziga bibiri vyatowe bireremba ku ruzi Rusizi,muri komine Buganda,intara ya Cibitoki, hamwe n’ikiziga c’umukobwa catowe muri komine Mugamba,intara ya Bururi.

Muri ico cegeranyo,isekeza SOS-Torture riragaruka kandi kuri gerenade yatewe muri zone Bwiza, mu gisagara ca Bujumbura ikomeretsa abantu babiri, naho igiporisi c’Uburundi kitashoboye kumenya abateye iyo gerenade.

Isekeza SOS-Torture riragaruka kandi kw’ihagarikwa rya Paul NINGANZA,umugenduzi mu ntara w’amashuri nshingiro n’ayakurikira nshingiro, uwo nawe akaba yahagarikiwe ku murwa mukuru w’intara ya Rumonge kw’igenekerezo rya 8 Kigarama 2017.

Muri ico cegeranyo kandi, isekeza SOS-Torture riragaruka kw’ihagarikwa rya Rogatien SERUFYIRI,umuyoboke w’umushingamateka Agathon RWASA, akaba yahagaritswe yagirizwa guhungabanya inzego.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha