Advertisement
Kumenyekanisha
  IGIHE.bi \BB Amakuru \BB ishirahamwe
SOS-Torture : Abantu babiri barishwe, 14 bahagarikwa hadakurikijwe amategeko
Yanditswe taliki ya 8-01-2018 - isaha 09:12'

Mu cegeranyo c’isekeza SOS-Torture gisohoka uko indwi iheze, iryo sekeza rimenyesha ko mu bantu babiri bishwe mu kiringo c’indwi, harimwo uwishwe yagirizwa kuba ari umusuma.

Isekeza SOS-Torture riragaruka kandi kw’ihagarikwa ry’abayoboke umunani b’umushingamateka Agathon RWASA, muri komine Ntega, intara ya Kirundo, igihe bariko basangira inyobwa ku rugo rw’uwitwa MUGISHA Samuel.

Muri ico cegeranyo, isekeza SOS-Torture rimenyesha ko abajejwe umutekano bahavuye bahagarika abayoboke b’umushingamateka RWASA Agathon, mu gihe abo umugambwe CNDD-FDD bobo bagumye bidegemvya.

Isekeza SOS-Torture riragaruka kandi kw’ihagarikwa ry’umugabo azwi kw’izina rya Sefu NDAYISHIMIYE mu ntara ya Cankuzo, kw’igenekerezo rya 2 Nzero 2018.

Kubwa SOS-Torture,Sefu NDAYISHIMIYE yahagaritswe yagirizwa gukorana n’umurwi w’itwaje ibirwanisho mu Rwanda, mu gihe yari yaje gutora impapuro z’umwana kuri komine, aca ajanwa mw’igendereza.

Ivyiyumviro vyanyu

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.