Serbie : Uwahoze ari umukuru w’igihugu yitavye muri sentare

Yanditswe na Vianney BIKORIMANA
Kuya 23 Ndamukiza 2018 saa 04:58
Yasomwe :
0 0

Rodovan KARADZIC yahoze ari umukuru w’igihugu ca Serbie yitavye imbere y’ubutungane kuri uno wa mbere igenekerezo rya 23 Ndamukiza 2018 inyuma y’aho yunguruje urubanza yaciriwe rw’umunyororo w’imyaka 40, yagirijwe gukora ihonyabwoko.

Uwo yahoze atwara igihugu ca Serbie yagirijwe ko yakoze ivyaha vyo mu ntambara hamwe n’ivyaha vyo guhohotera agateka ka zina muntu mu myaka y’i 1990 mu gihe c’intamabara yaca bigacika muri ico gihugu.

Bamwe mu bashingwamanza biwe bamenyesha ko uwo baburanira ariko ararenganywa kuko ivyo yashikirije vyerekana ko ataco yagira vyagwijwe n’ubusa.

Abacamanza bo muri Sentare iburanisha Rodovan KARADZIC ku bwabo babona ko igihano yahawe ari gito, ahubwo ko yarigukatirwa umunyororo wo guherayo.

Bitegekanijwe ko urwo rubanza ruzocibwa burundu n’abacamanza ba Sentare mpuzamakungu y’i La Haye nza mu mpera z’uno mwaka.

Rodovan KARADZIC afise imyaka 72, yabaye umukuru w’igihugu wa mbere w’igihugu ca Serbie, akaba yagirizwa ubwicanyi bwakorewe abantu bashika ibihumbi 8 bava mw’idini rya Isiramu bo mu gace ka Srebrenica, igihe c’intamabara yabera muri ico gihugu mu myaka ya 90.

JPEG - 145.8 ko
Rodovan KARADZIC w’imyaka 72, yabaye umukuru w’igihugu wa mbere w’igihugu ca Serbie

Kumenyekanisha

1
kankindi 24-04-2018 à 13:44

none imyaka 40 nicokimwe noguherayo azoba afise 112

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha