Siriya:Abantu 23 bapfuye mu gitero co mu kirere

Yanditswe na BIKORIMANA Vianney
Kuya 8 février 2018 saa 02:00
Yasomwe : 6003
0 0

Abantu 23 nibo bapfuye mu gitero cakozwe mu kirere mu gace kitwa Ghota i Damas, ku murwa mukuru w’igihugu ca Siriya.

Abaharanira agateka ka zina muntu bakorera muri ako gace bamenyesheje ko abanyagihugu aribo basinzikajwe cane n’ivyo bitero.

Amakuru dukesha iradiyo y’abongereza BBC, amenyesha ko Ishirahamwe Mpuzamakungu ONU ryasavye ko izo ngwano zihagarara mu maguru masha.

Ayo makuru amenyesha ko umwe mu banyagihugu aba muri ivyo bice yavuze ko hakomeretse abantu 19, hamwe n’inzu zitari nke z’abantu zabomotse.

Uwo munyagihugu yavuze ko ikibazo bafise ari ico kubura imiti abakomeretse bakeneye cane.

Kuva ku musi wa mbere w’iyi ndwi,abasirikare b’igihugu ca Siriya batanguye kugaba ibitero mu kirere murako gace kabamwo abantu ibihumbi 400,bivugwako hamaze gupfa abantu 130.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha