Incamake

Siriya : Abantu 70 boba baguye mu gitero c’ibirwanisho vy’ubumara

Yanditswe na MUGISHA Van Naris
Kuya 9 avril 2018 saa 09:00
8445
0 0

Abajejwe gutabara hamwe n’abaganga mu gihugu ca Siriya, bavuga ko abantu boba bashika 70 bitavye Imana, mu gitera vyikekwa ko ari igitero c’ibirwanisho vy’ubumara i Douma, igisagara ca nyuma kikiri mu minwe y’abarwanyi, mu buseruko bwa Ghouta.

Amakuru dukesha urubuga rw’iradiyo y’abongereza BBC, amenyesha ko Abajejwe gutabara berekanye ku rubuga rwa twitter amasanamu y’ibiziga biri mu nzu yo mu kuzimu.

Abakora ibikorwa vyo gutabara, bamenyesha ko igitigiri c’abapfuye gishobora kwongerekana.

Ku ruhnde rwa Reta ya Syria, ivuga ko izo nkuru z’ibitero hakoreshejwe ibirwanisho vy’ubumara ari ibinyoma, mu gihe Amerika yoyo ivuga ko hashobora kuba igitigiri kinini c’abahitanywe n’ico gitero, harimwo n’imiryango yari yarahunze.

Urubuga rwa BBC, rumenyesha ko Reta Zunze Ubumwe za Amerika zavuze ko Uburusiya busanzwe bushigikiye Reta ya Siriya, bufise uruhara muri ico gitero c’ibirwanisho vy’ubumara.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha