Siriya : Isirayeri yateye ibisasu vya misire ku birindiro vy’abasoda ba Siriya na Irani

Yanditswe na MUGISHA Van Naris
Kuya 10 mai 2018 saa 09:00
28365
0 0

Inyuma y’ibisasu vya rokete vyatewe n’igihugu ca Irani mu karere ka Golan gafashwe n’igihugu ca Isirayeri, igihugu ca Isiriyari naco carateye ibisasu vya misire mu gihugu ca Siriya, mw’ijoro ryo kur’uyu wa gatatu igenekerezo rya 9 Rusama 2018. Gushika ubu nta muntu aramenyekana yoba yahitanywe n’ivyo bisasu.

Umuvugizi w’igisirikare ca Isirayeri yavuze ko igihugu ca Isirayeri kidashaka ko haba uguhangana gukomeye hagati y’igihugu ca Isirayeri n’igihugu ca Irani.

Ku ruhande rwa Isiriyeri bemeza ko ahantu icumi bashaka ko ivyo bisasu bateye bigwa vyahaguye neza, kandi ko bamwe mu basirikare ba Siriya bakozweko n’ivyo bitero ibizobasaba umwanya kugira basubire biyubake.

Umuvugizi w’igisirikare ca Isirayeri yemeje kandi ko mu bisasu vya rokete 20 vyatewe muri Isirayeri, ata gisasu na kimwe caguye kuri Isirayeri, kandi ko bine murivyo vyakatishijwe.

Ivyo bibaye, mu gihe kur’uno wa gatatu igenekerezo rya 9 Rusama 2018, umushikiranganji wa mbere wa Isirayeri Benjamin Netanyahu yabonanye na Vladimir Poutine umukuru w’igihugu c’Uburusiya, kugira baganire.

Amakuru dukesha iradiyo y’abafaransa RFI, amenyesha ko ico, arico gitero ca mbere kibaye aho Isirayeri na Irani bahangana kuva hadutse indyane mu gihugu ca Siriya.


Kumenyekanisha

1
Warchild Evaton 17-05-2018 à 19:19

Erega Israel N’igihugu Catoranijwe N’imana

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha