Siriya : Umurwi ukora amatohoza ku bitero vy’ubumara nturemererwa kwinjira aho vyabereye

Yanditswe na MUGISHA Van Naris
Kuya 17 avril 2018 saa 01:13
11100
0 0

Igihugu c’Uburusiya kimenyesha ko, abakora amatohoza ku birwanisho vy’ubumara vyakoreshejwe mu gihugu ca Siriya, bazoronka uburenganzira bwo kwinjira mu karere bivugwa ko kabayemwo ibitero kuwa gatanu igenekerezo rya 20 Ndamukiza 2018.

Amakuru dukesha iradiyo y’abongereza BBC, amenyesha ko uwo murwi mvamakungu ukora amatohoza,uri mu gihugu ca Siriya kuva ku musi wa gatandatu igenekerezo rya 14 Ndamukiza 2018, ariko nturemererwa kwinjira i Douma, ahabereye ico gitero.

Igitero cabaye hakoreshejwe ibirwanisho vy’ubumara, cabaye kw’igenekerezo rya 7 Ndamukiza 2018, inyuma y’indwi imwe gusa Reta Zunze Ubumwe za Amerika, Ubwongereza n’Ubufaransa , bica bigira igitero kuri Siriya.

Igihugu ca Siriya n’Uburusiya bagumye bahakana ko ata gitero c’ubumara cabaye, Uburusiya mbere bwavuga ko ibivugwa ari ivyateguwe.


Kumenyekanisha

1
Bukuru 19-04-2018 à 09:31

Babuze kubisuzuma batarabatera none ububahindura iki.?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha