UNESCO : ’’Ubutunzi bw’amashusho n’amajwi buracahura n’ibibazo’’

Yanditswe na MUGISHA Van Naris
Kuya 27 octobre 2017 saa 09:40
3510
0 0

Mu gihe kuri uno wa gatanu igenekerezo rya 27 Gitugutu 2017 hahimbazwa umunsi mpuzamakungu wahariwe ubutunzi bw’amashusho n’amajwi, ishirahamwe mpuzamakungu rijejwe imico n’akaranga UNESCO rimenyesha ko ubwo butunzi ari ngirakamaro kuko bufasha gusubira kuraba akahise.

Mw’itangaza ry’ishirahamwe UNESCO, umuyobozi mukuru wa UNESCO Irina Bokova amenyeshako amajwi n’amashusho ari idirisha ryuguruye kuri kahise rikadufasha kandi gushika kuri kazoza, kandi ahuza kahise na kazoza.

Muri iryo tangazo, umuyobozi mukuru w’ishirahamwe UNESCO ubwo butunzi bugira kahise kacu dusangiye twese , kandi butegerezwa gukingirwa no gusabikanywa nk’ikituranga kikerekana n’amamuko yacu.

Naho biri ukwo,umuyobozi mukuru w’ishirahamwe UNESCO amenyeshako amashusho n’amajwi bihura n’ibibazo bitandukanye na cane cane kutitabwaho,guta agaciro bivanye no kuba bitajanye n’ibihe iterambere rigezeko.

Muri iryo tangazo,umuyobozi mukuru w’ishirahamwe UNESCO Irina Bokova amenyesha ko mu ntumbero yo gukingira ubwo butunzi,ishirahamwe arongoye rikorana n’amareta yo kw’isi yose mu gukingira ubwo butunzi kugira bufashe abakenyezi n’abagabo kubona bishasha ,kwibuka no gusabikanya bikadufasha kuba ico turi.

Uwo munsi uhimbazwa ku civugo :’’Gutora bishasha, kwibuka no gusabikanya.’’


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha