IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > Mu makungu > USA : Abarusiya birukanywe batanguye gutahuka mu gihugu cabo

USA : Abarusiya birukanywe batanguye gutahuka mu gihugu cabo

dimanche 1er avril 2018

Amakuru dukesha iradiyo Ijwi rya Amerika, amenyesha ko Anatoli Antonov aserukira igihugu c’Uburusiya I Washington, yabwiye abanyamakuru ko Reta y’Uburusiya yarungitse indege zibiri zo gutahukana abakozi mu buserukizi bw’Uburusiya,bari mu bisagara bitandukanye vya Amerika.

Ugutosekara kw’imigenderanire hagati y’Uburusiya na Reta Zunze Ubumwe za Amerika, kwatanguye inyuma y’igitero c’uburozi bw’ubumara ku murusiya Sergei Skripal, yahoze ari umusumyi w’urusaku ku butaka bw’Ubwongereza n’umukobwa wiwe Yulia Skripal, cagirizwa Uburusiya.

Ibihugu 18 birimwo Amerika vyirukanye abakozi b’ubuserukizi bw’Uburusiya barenga 100, Amerika yonyene ubwayo yirukanye abashika 60, bari kumwe n’imiryango yabo bashika kw’171.

Igihugu c’Uburusiya kibandanya guhakana ivyo cagirizwa, ko cararoze Sergei Skripal n’umukobwa wiwe Yulia Skripal.


MUGISHA Van Naris

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.