USA : Abashingamateka b’abarepublikani bemeje ko Putin atashigikiye Trump mu matora

Yanditswe na MUGISHA Van Naris
Kuya 13 mars 2018 saa 09:26
5025
0 0

Abashingamateka bo mu mugambwe w’aba republicain, basanzwe bari mu murwi w’abashingamateka ujejwe igendereza, baremeje kur’uyu wa mbere igenekerezo rya 12 Ntwarante 2018, ko umukuru w’igihugu c’Uburusiya, Vladmir Putin atigeze agerageza gushigikira Donald Trump mu matora yatsinze mu mwaka wa 2016.

Abo bashingamateka bamenyesheje ko ata kimenyetso babonye ko ibikorwa vyo kwiyamamariza Donald Trump vyagize aho bihurira n’Uburusiya, bakaba bagiye guhagarika iperereza ryari rimaze umwaka rikorwa.

Ivyiyumviro vyabo bashingamateka ariko, vyitezwe ko bitazohurizwako n’abashingamateka b’abadémocrate, kandi ko bishobora gutera ukutavuga rumwe ku murwi ujejwe guperereza ku ruhara rw’Uburusiya mu matora aheruka.

Umukuru w’igihugu Donald Trump yakiranye umunezero iyo nkuru, anavyerekanira ku rubuga rwiwe rwa Twitter aho yanditse, akoresheje indome nkuru,avuga ati :

"Umurwi ujejwe iperereza, inyuma y’amezi 14 y’iperereza, nta bimenyetso yabonye vyo kwinjirirwa canke gukorana n’Uburusiya mu kwamamaza Trump mu ntumbero yo kugena ibizova mu matora yo muri 2016.”

Ingingo y’aba- républicains yo guhagarika iry perereza, ifashwe mu gihe Robert Mueller nawe yahawe gukurikirana iki kibazo, ariko akora yihuta iperereza ariko arakora.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha