USA:Donald Trump yavuze ko ashobora kuduza kandi ikori ku bidandazwa vy’Ubushinwa

Yanditswe na Vianney BIKORIMANA
Kuya 19 June 2018 saa 04:30
7950
0 0

Umukuru w’igihugu wa Reta Zunze Ubumwe za Amerika Donald Trump yamenyesheje ko igihugu c’Ubushinwa niyo cafatira ibihano igihugu ciwe ku bijanye n’ikori ,azoca yongera irindi kori ku bindi bidandazwa biva mu Bushinwa bifise agaciro k’imiriyaridi 200 y’amadorare y’abanyamerika.

Donald Trump yagiriza igihugu c’Ubushinwa ko amashirahamwe yaco yiba abanyagihugu ba Amerika amatungo mu bwenge, ku bidandazwa bitandukanye kigaheza kikongera kubidandaza kur’abo banyagihugu nyene.

Mu gusubiriza mu ndumane igihugu ca Amerika,Ubushinwa bwavuze ko bugiye kuduza ikori ku bidandazwa 659 vya Amerika bifise agaciro k’imiriyaridi 50 y’amadorare y’abanyamerika vyo mu bisata vy’uburimyi,ibijanye n’imodoka hamwe n’ibikoresho bitandukanye bikoreshwa mu mazi aho bizorihishwa ikori ingana n’iryo
Amerika yashiiriyeho ibidandazwa vyo mu Bushinwa.

Igihugu c’Ubushinwa bubandanya buvuga ko niyo Donald Trump yabandanya akora ibi bikorwa agashiraho urutonde rw’ibidandazwa bizodugirizwa ikori na bwo buzofata ingingo ikwiranye nivyo bazoba bakorewe.

Igihugu ca Amerika giheruka kuduza ikori ku bidandazwa vy’Abashinwa nk’amapine, ibikoresho vyo mu nzu n’ibindi.

Mu mwaka wa 2017 Igihugu c’Ubushinwa cinjije ibidandazwa mu gihugu ca Amerika bifise agaciro k’imiriyaridi 505 z’amadorare mu gihe Amerika cinjije mu Bushinwa ibidandazwa bifise agaciro k’imiriyaridi 135 y’amadorare y’abanyamerika.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha