USA : Donald Trump yemeye guhura na Kim Jong Un wa Koreya ya Ruguru

Yanditswe na MUGISHA Van Naris
Kuya 9 mars 2018 saa 11:08
Yasomwe :
0 0

Umukuru w’igihugu ca Reta Zunze Ubumwe za Amerika, Donald Trump, yemeye guhura mu mubonano n’umukuru w’igihugu ca Koreya ya Ruguru, Kim Jong Un. Muri uwo mubonana, abakuru b’ibihugu bazoganira ku bijyanye no guhagarika ikorwa ry’ibirwanisho ruhonyanganda, ivyo navyo bakaba batabihurizako.

Uwo mubonano utegekanijwe mu kwezi kwa gatanu 2018, uzoba ubaye umubonano wa mbere hagati y’abakuru b’ibihubu vya Reta Zunze Ubumwe za Amerika na Koreya ya Ruguru.

Amakuru dukesha urubuga rw’iradiyo y’abafaransa RFI, amenyesha ko ingingo yo guhura hagati y’aba bakuru b’ibihugu babiri, yafashwe inyuma yaho hari haheze umwaka , umukuru w’igihugu ca Reta Zunze Ubumwe za Amerika Donald Trump aterana amajambo na Kim Jong Un. Wa Koreya ya Ruguru.

Ubutumire bw’umukuru w’igihugu ca Koreya ya Ruguru bwajanywe n’umuhanuzi wiwe ajejwe umutekano Chung Eui-yong , aca ashima igikorwa ca Donald Trump co gutuma hasubira umwumvikano hagati y’ibihugu bibiri.

Abicishije ku rubuga rwiwe rwa Twitter, Donald Trump yasubiye kwemeza ko naho umukuru w’igihugu ca Koreya ya Ruguru Kim Jong Un yemeye kutagerageza ibirwanisho ruhonyanganda,ibihano vyovyo bizogumaho, gushika bashitse ku masezerano.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha