USA : Donald Trump yisubiyeko ku ngingo yo gutandukanya abavyeyi n’abana

Yanditswe na MUGISHA Van Naris
Kuya 22 juin 2018 saa 08:24
13005
0 0

Umukuru w’igihugu ca Reta Zunze Ubumwe za Amerika Donald Trump yahagaritse itegeko riraba abimukira ryategeka gutandukanya abavyeyi n’abana b’abimukira binjiye muri ico gihugu badakurikije amategeko.

Amakuru dukesha urubuga rw’iradiyo y’abongereza BBC, amenyesha ko naho yasokoye kuri iryo tegeko kubera abantu benshi baryiyamirije, Donald Trump yavuze ko azobandanya gucungera imbibe z’igihugu.

Kuva aja ku butegetsi, Donald Trump yerekanye ko ashaka gushiraho amategeko akaze yo kurwanya abimukira, ariko yisanze mu ngorane na cane cane aho habonekeye amafoto ateye ikigongwe y’abana batandukanijwe n’abavyeyi babo ku rubibe rwa Amerika na Mexique, aho zababaje abanyamerika benshi.

Inama nshingamateka, abaharanira agateka ka zina muntu eka mbere n’umupfasoni Melania Trump umupfasoni wiwe, hamwe n’abapfasoni b’abigeze gutwara ico gihugu vyarabababaje.

BBC ivuga ko hakiri amakenga nimba iryo tegeko rya Donald Trump rizoshobora gutuma imiryango ishobora kuba hamwe inyuma y’imisi 20, kandi vyari vyitezwe ko inama nshingamateka kuri uyu wa kane itora amabwirizwa abiri akura amakenga kuri iyo ngingo.

Abana barenga 2000 baramaze gutandukana n’abavyeyi babo, ariko iryo tegeko rya Donald Trump ntiryerekana ingene abana n’abavyeyi bazosubira guhuzwa.


Kumenyekanisha

1
nishimwe dany chris 27-06-2018 à 11:18

oya iyongingo turayiyamirije

2
JEIPRO 25-06-2018 à 23:32

NN MUNYUMVIRA AGOMBIKI ?

3
sylvere niyungeko 22-06-2018 à 19:50

give the advices to this person, children can not be separated with their mather !,it’s amazing !

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha