USA : Igiporisi catanze umwidondoro w’uwakoze igitero ku cicaro ca Youtube

Yanditswe na MUGISHA Van Naris
Kuya 4 avril 2018 saa 01:17
6600
0 0

Igiporisi gikorera mu buraruko bwa California, muri Reta Zunze Ubumwe za Amerika, cashize ahabona amazina y’umugore yarashe abantu batatu bagakomereka ku cicaro ya Youtube ndetse nawe agahava yirasa.

Uwurongoye igiporisi muri San Bruno, Ed Barberini yabwiye itororokanirizo ry’amakuru CNN ko uwitwa Nasim Aghdam ariwe yakoze igitero, kandi ko ikiziga ciwe, bagisanze aho vyabereye, biboneka nawe ko yirashe.

Uretse batatu yarashe, harimwo n’uwundi umwe yakomeretse igihe abantu basunikana bariko barahunga.

Umukuru w’igiporisi Ed Barberini,avuga ko icatumye uwo mugore Nasim Aghdam akora ubwo bugizi bwa nabi kitaramenyekana, ariko bibaza ko umwe mubo yarashe ari umukunzi wiwe.

Ayandi makuru avuga ko uwo mugore, yagiye yerekana kenshi ko Youtube idatanga uburenganzira bungana, yagiriza Youtube ko rutuma abantu bataraba amashusho yerekeranye n’uburenganzira bw’ibikoko, ibifungurwa bitarimwo, inyama n’ibindi.

Umwe mu bari hafi y’icicaro ca Youtube igihe igitero caba, yavuze ko amasasu agitangura babanje kutemera ko arivyo, ariko mu nyuma babona ko bishobora kuba bikomeye batangura kugundana basohoka.

Abinyujije ku rubuga rwiwe rwa Twitter, umukuru w’igihugu ca Reta Zunze Ubumwe za Amerika, Donald Trump yahojeje abakozweko n’ico gitero, ashimira n’igiporisi catabaye kare.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha