Ubudagi : Inama y’umuryango w’ibihugu bitunze kw’isi ( G20 ) yaheze ata mwuvikano ubaye .

Yanditswe na Vianney BIKORIMANA
Kuya 8 Mukakaro 2017 saa 11:20
Yasomwe : 5166
0 0

Abari mu nama y’umuryango w’ibihugu bitunze kw’isi G20 mu gihugu c’Ubudagi, basohoye urwandiko rw’ivyavuye mu nama barimwo ariko ntibashoboye kwumvikana ku kibazo kijanye n’ihindagurika ry’ibihe.

Amakuru ava mu gisagara ca Humburg aho iyo nama yabereye, avuga ko abaserukiye ibihugu vy’uyo muryango vyabananiye kwumvikana kubijanye n’ikoreshwa ry’amasoko ntanganguvu ava ku gitoro aho vyabateye impari nyinshi.

Ivyo bashoboye kwumvikanako n’ibijanye n’urudandazwa ,aho biyemeje ko bagiye kugwanya imyifato yo kwiyugarana mu rudandazwa, hamwe no kurwanya ukwigungirako amasoko y’abaguzi.

Umukuru wa Reta y’Ubudagi yaremeje ku mugoroba wo ku munsi wa gatanu ko iyo nama yaranzwemwo n’ukutumvikana.

Mwomenya ko hafi yahabereye iyo nama y’ibihugu bitunze kw’isi G20, habereye Imyiyerekano yiyamiriza itunganywa ry’ubutunzi bw’ibihugu bujanye n’ihiganwa ry’amasoko hadashizwe imbere abakene (Capitalisme) ,hakaba hari n’abakomerekeye muri iyo myiyerekano.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha