Ubufaransa : Uwatowe azokwimikwa kuri uwu w’Imana

Yanditswe na NDUWIMANA
Kuya 13 Rusama 2017 saa 11:31
Yasomwe : 4950
0 0

Emmanuel Macron, umukuru w’igihugu mushasha w’Ubufaransa azokwimikwa mu mabanga y’ukurungora ico gihugu kuri uwu w’Imana igenekerezo rya 14 Rusama 2017.

Nk’uko bimenyerewe muri ico gihugu, umusi w’ibisikanya ku butegetsi hagati y’uwahora arongoye igihugu hamwe n’uwatowe, uba ari umusi udasanzwe, kuko bisigura ko umukuru w’igihugu mushasha aba atanguye ikiringo ciwe co kurongora igihugu, kandi bikerekana ko uwahora arongoye igihugu arangije igikorwa yari yashinzwe.

Mu gihugu c’Ubufaransa, iryo yimikwa ritunganwa inyuma y’imisi mike hatangajwe ivyavuye mu matora.

Emmanuel Macron w’imyaka 39 abaye umukuru w’igihugu w’umunani atwaye Ubufaransa. François Hollande yahora aramutswa ico gihugu yakeje uwo agiye kumusubirira. N’uwahiganwa na Macron, ariwe Marine Le Pen yaramukeje, yemera ko yatsinzwe, amwipfuriza kuroranirwa n’ukuzoshobora gutora inyishu y’ibibazo igihugu c’Ubufaransa gifise.

JPEG - 138.9 ko
Emmanuel MACRON aheruka gutorwa

Kumenyekanisha

1
Elias Mpozamarira 16-05-2017 à 03:06

Turakeje Emmanuel MACRON, Imana imujimbere muburongozi bwiwe azobe akarorero keza ku bufaransa nomumakungu.
Tunakeza uwahora arongoye ubufaransa kuburyo yi fashe mugutanga uburenganzira bukwiye kubo bitavugarumwe, akaba yashize ahintahe yashize, iyo nintabwe ishimishije, ku bafaransa bose.
Nabategetsi bahano mu Burundi bari bakwiye kuhakura icirwa bakareka kwama bahendwa na bahanuzi babi ngo barambiye kubutegetsi ngo harivyo bazohindura!, ivyutahinduye mumyaka 10,ntavyazohindura muvyaka izokurikira, kukumutwe nawonyene iyo wacotse usanga uriko urakora nabi, ivyokuvuga bikamuherana mumutwe ugasanga ashiriza utujambo twibitebu gusa, kuko ntabariwe abasankuwaborewe.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha